Գերմանիայում Հայաստանի Հանրապետության դեսպանության մասնակցությունը „Wir sind We(h)r“ միջոցառմանը

13 սեպտեմբերի, 2026

ԳԴՀ-ում ՀՀ դեսպանությունն առանձին ազգային տաղավարով մասնակցեց Սաքսոնիա-Անհալթ երկրամասի Պրետցիներ Վերհուշարձանի տարածքում «Զալցլանդկրայսում համաշխարհային մշակութային ժառանգություն» միության կողմից կազմակերպված „Wir sind We(h)r“ միջոցառմանը:

Միջոցառմանը սեփական արտադրանքով մասնակցեցին մի շարք տեղական ընկերություններ, ինչպես նաև օտարերկրյա պետությունների դեսպանություններ, որոնք առանձին տաղավարներում ներկայացրեցին ազգային խոհանոցն ու զբոսաշրջային հնարավորությունները:

Հայաստանի տաղավարն այցելուներին ներկայացավ Հայաստանի զբոսաշրջային ներուժի վերաբերյալ նյութերով և հայկական խոհանոցի համերով:

Միջոցառմանը ողջույնի խոսքով հանդես եկավ «Զալցլանդկրայսում համաշխարհային մշակութային ժառանգություն» միության նախագահ, Սաքսոնիա-Անհալթ երկրամասի խորհրդարանի նախագահ դոկտոր Գուննար Շելլենբերգերը:

Միջոցառումը լուսաբանվեց նաև մամուլի կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր